Пераможцы абласнога конкурсу кулінарнага майстэрства!

Каманда нашага акцыянернага таварыства «Аэліта Люкс»  13 сакавіка  прыняла ўдзел у адкрытым абласным конкурсе кулінарнага і кандытарскага майстэрства, які праходзіў у Гродзенскай абласной філармоніі, і стала пераможцам у намінацыі «За вернасць нацыянальным традыцыям харчавання, высокія смакавыя якасці кулінарнай прадукцыі і кандытарскіх вырабаў, творчы падыход і арыгінальнасць прэзентацыі».  У мінулую пятніцу мы падтрымалі ініцыятыву Міністэрства антыманапольнага рэгулявання і гандлю «Кожная пятніца — роднае, сваё!». Для нас гэта не проста праект, гэта наш лад жыцця. Гэта больш, чым проста ідэя — гэта выбар кожнага з нас, які ўмацоўвае нашу краіну і культуру. Мы стварылі сваю ўласную пятніцу, бо маленькія дзеянні — вялікая сіла!
Мы ганарымся тым, што 82% тавараў у нашых магазінах — айчыннай вытворчасці, а меню кафэ «Эліт» на 95% складаецца з мясцовай сыравіны: беларускай птушкі, мяса, каўбасных вырабаў, гародніны і малочных прадуктаў. Мы ўдзячныя нашым надзейным партнёрам: ААТ «Гродзенскі мясакамбінат», філіял «Індэйка з Ліды» (ЗАТ «Белсалттрейд») і ААТ «Малочны Мір». Выкарыстоўваючы прадукцыю гэтых флагманаў, мы ствараем сапраўдныя шэдэўры хатняй кухні, якiя так любяць жыхары і госці нашага роднага Ваўкавыска. Мы любім сваё, роднае, беларускае, і гэтую любоў укладаем у кожную страву, якую гатуем для нашых наведвальнікаў.

Да ўвагі членаў журы былі прадстаўлены:
Тэрын з печанню ў эклерах — далікатнае спалучэнне пячонкі індэйкі, яблыкаў і сыру. Гэта не проста закуска, а спалучэнне традыцый і сучаснай падачы.
Мякаць сцягна індэйкі па-элітаўску — апетытная адбіўная з лісічкамі і сырнай скарынкай. Гэта сапраўдны смак роднага дому, дзе кожны інгрэдыент падкрэслівае якасць беларускай вытворчасці.
Жэле «Вішнёвы брыз» — вытанчаны дэсерт на аснове натуральнага тварагу і смятаны ад ААТ «Малочны Мір», які дорыць свежасць і асалоду.
Сёння нашы кухары, уклаўшы сваё майстэрства і душу, ператварылі лепшую беларускую сыравіну ў творы кулінарнага майстэрства!
та Люкс» — выбірай сваё, любі сваё!